Қар, тұман, көктайғақ: бүгін елімізде күн райы қандай болады

Синоптиктер 29 қаңтарға арналған ауа райы болжамын жариялады, деп хабарлайды Azattyq Ruhy.

«Бүгін Қазақстанның басым бөлігінде атмосфералық фронттардың өтуіне байланысты, әлі де ауа райының тұрақсыз сипаты сақталады», - делінген «Қазгидромет» РМК хабарламасында.

Тек кей өңірде жауын-шашын (көбінесе қар түрінде), оңтүстік, оңтүстік-шығыстың таулы аудандарында қатты жауын-шашын (жаңбыр, қар) жауады.  

Республика бойынша тұман түсіп, жел күшейеді, боран, оңтүстік-шығысында, оңтүстікте көктайғақ болады.

Астанада көшпелі бұлт шығады, аздаған қар жауады, жел 2-7 м/с күшейеді. Ауа температурасы түнде -21...-23°C, күндіз -12...-14°C болады.

Алматыда бұлтты, кей жерлерде қар, көктайғақ, тұман болады, жел 2-7 м/с жетеді. Ауа температурасы түнде -6...-8°C, күндіз -1...+1°C болады.

Шымкентте бұлтты, кей жерлерде жаңбыр жауады, жел 8-13, екпіні 15-20 м/с жетеді. Ауа температурасы түнде +1...+3°C, күндіз +5...+7°C болады.