Аяз, тұман, көктайғақ: синоптиктер бүгінгі ауа райы болжамын жариялады

Синоптиктер 22 қаңтарға арналған ауа райы болжамын жариялады, деп хабарлайды Azattyq Ruhy.

«Бүгін Қазақстанның басым бөлігі әлі де атлантикалық циклон ықпалында болатындықтан, жауын-шашынсыз аязды ауа райы болады», - делінген «Қазгидромет» РМК хабарламасында.

Тек еліміздің батысында, солтүстік-батысында, оңтүстік-шығысында атмосфералық фронттардың өтуіне байланысты ауа райының тұрақсыз сипаты сақталады.

Жауын-шашын, көбінесе қар түрінде өтеді, көктайғақ, жаяу бұрқасын болады.

Республика бойынша тұман түсіп, жел күшейеді.

Астанада көшпелі бұлт шығады, жауын-шашынсыз ауа райы болады. Оңтүстік-шығыстан 3-8 м/с жел соғады. Ауа температурасы түнде 18-20, күндіз 13-15 градус аяз болвды.

Алматыда – көшпелі бұлт шығады, жауын-шашынсыз ауа райы болады. Түнде және таңертең тұман түседі. Солтүстік-шығыстан, шығыстан 2-7 м/с жел соғады. Ауа температурасы түнде 14-16, күндіз 3-5 градус аяз болуы мүмкін.

Шымкентте көшпелі бұлт шығады, жауын-шашынсыз ауа райы болады. Түнде және таңертең тұман түседі. Шығыстан соғатын жел 8-13 м/с жетеді. Ауа температурасы түнде 5-7 градус аяз, күндіз 6-8 градус жылы болады.