Шиелі ауданында 38 адам коронавирус жұқтырды

Қызылорда облысында COVID-19 инфекциясын жұқтырған 4 жағдай туралы ақпарат анықталды. Мемлекеттік комиссияның шұғыл штабының мәліметінше ауру жұқтырғандардың үшеуі Шиелі ауданында, біреуі Арал ауданында тіркелді.  Барлығы да  коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынамалар алынған. 

«ПТР диагностикалық зерттеу қорытындысымен COVID-19  диагнозы нақтыланды. Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде. Науқастармен қарым-қатынаста болған адамдар анықталып, барлығы медициналық бақылауға алынуда. Ауру ошақтарында эпидзерттеу жұмыстары, дезинфекциялық жұмыстар жүргізілуде»,  - делінген ақпаратта. 

8 сәуірдегі жағдай бойынша аймақта COVID-19 коронавирустық инфекцияға шалдыққан 76 адам анықталды:

Қызылорда қаласында – 9 жағдай,

Жаңақорған ауданында – 16,

Қармақшыда – 4,

Шиеліде – 38 жағдай,

Сырдария ауданында-7 жағдай,

Арал ауданында – 2 жағдай.