Белгородтағы атыстардан кейін қалада мектеп демалысы ұзартылды

Azattyq Rýhy

Билік жоғары оқу орындары мен техникумдарға сессияны қашықтықтан өткізуге кеңес берді

Белгородтағы атыстардан кейін қалада мектеп демалысы ұзартылды
Фото: ria.ru

Белгород губернаторы Вячеслав Гладковтың айтуынша, жергілікті мектептер 19 қаңтарға дейін жабық күйінде қалады, деп хабарлайды Azattyq Ruhy BBC Russian-ға сілтеме жасап.

Дәл осындай шаралар Белгород облысының тағы 10 ауданында және қалаларында қабылданды.

Аудандардағы балабақшалар «кезекші топтар режимінде» жұмыс істейтін болады, мұндай топтардағы орындар ата-аналары жұмыстан қалуға болмайтын балаларға беріледі.

Билік осы аудандардағы жоғары оқу орындары мен техникумдарға сессияны қашықтықтан өткізуге және қажет болған жағдайда демалысты ұзартуға кеңес берді.

30 желтоқсанда Украинаның шекара маңындағы Белгородқа зымыран атуы салдарынан 25 адам қаза тапты, оның ішінде бес бала, 100-ден астамы зардап шекті.

×
Бұл желілік ресурстың ақпараттық өнімдері 18 жастан асқан адамдарға арналған.