Қоғамда зорлық-зомбылыққа жол берілмеуі тиіс - «AMANAT» партиясының хатшысы

Қазақ қоғамында кез келген зорлық-зомбылыққа жол берілмеуі тиіс. «AMANAT» партиясының хатшысы Президенттің бүгінгі сұхбатына қатысты пікір білдірді, деп хабарлайды Azattyq Ruhy.

«Бүгін жаңа жылдың алғашқы жұмыс күнін Президентіміз Тоқаев Қасым-Жомарт Кемелұлының Egemen Qazaqstan газетіне сұхбатын оқып танысумен бастадым. Сұхбатта қоғамды толғандыратын бірқатар мәселелерге қатысты пікір айтылған. Бәрі еліміз үшін аса маңызды», - деді «AMANAT» партиясының хатшысы Шолпан Каринова.

Әрбір азамат еліміздегі заң мен тәртіп үстемдігін қалыптастыруға жауапты болуы тиіс. Ал елімізде отбасылық зорлық-зомбылықтың көптігі күн тәртібінен түскен емес.  

«Президент тағы бір мәрте «Мен елімізде заң мен тәртіп қағи­датының орныға түскенін қалай­мын. Сондықтан нақты жауап бере­йін, тұрмыстық зорлық-зомбы­лыққа қатысты жазаны қатайтуды толық қолдаймын… Біз қоғамды ішінен іріте­тін, адамгершілікке жат қылықтарды ақ­тау­­ды көздейтін кез келген әрекетке және құқықтық нигилизмге тұтас ел болып тосқауыл қоюымыз керек» дей келе, заң үстемдігі, тәртіп, зорлық-зомбылыққа, жол бермеуді мықтап айтты. Қоғамымызда балаларға және әйелдерге қатысты қылмысқа, зомбылыққа еш жол берілмеуі керек», - деді ол.