Испанияның Канар аралдарында мигранттар саны күрт өсті
Биыл 15 қарашадағы жағдай бойынша архипелагқа 32 436 мигрант келген
Биыл архипелагқа 32 436 мигрант келді, бұл 2006 жылғы рекордтан асып түсті. Олардың көпшілігі Сенегалдан, Мавританиядан және Мароккодан келгендер, деп хабарлайды Azattyq Ruhy Euronews-ке сілтеме жасап.
Еуропалық ішкі істер комиссары Ильва Юханссон Испанияға жұмыс сапарымен келіп, ЕО-ның көші-қон дағдарысын шешуге ықпал ететінін мәлімдеді.
Биыл 15 қарашадағы жағдай бойынша архипелагқа 32 436 мигрант келіп, 2006 жылғы рекордтан асып түсті. Олардың көпшілігі Сенегалдан, Мавританиядан және Мароккодан келгендер.
Африкадан Канар аралдарына апаратын жол Жерорта теңізін кесіп өтумен салыстырғанда қауіпті деп саналады. Халықаралық көші-қон ұйымының мәліметі бойынша, 2023 жылы бұл жолда кем дегенде 512 адам қайтыс болды. Сонымен қатар, бұл тек расталған деректер, ал нақты көрсеткіш әлдеқайда жоғары болуы мүмкін.
