Германия: машинистердің ереуілі мыңдаған пойыздардың тоқтауына әкелуі мүмкін
Олар жалақыны өсіріп, жұмыс уақытын қысқартуды талап етіп отыр
Германияда машинистер осымен төртінші рет ереуіл ұйымдастырды. Олар жұмыс аптасын қысқартуды және жалақыны көтеруді талап етуде, деп хабарлайды Azattyq Ruhy Euronews-ке сілтеме жасап.
Германияның Deutsche Bahn ұлттық теміржолының пойыз жүргізушілері бейсенбіден жұмаға дейін 24 сағаттық ереуіл өткізеді.
Тауар пойыздары, жолауашылар пойыздары да тоқтауы мүмкін.
Ереуіл Берлин мен Гамбургтегі қалааралық және аймақтық пойыздарға, сондай-ақ қала маңындағы пойыздарға әсер етеді.
Бұл ереуіл биылғы жылы Deutsche Bahn үшін төртінші мәрте болды.
GDL кәсіподақ мүшелері айлық жалақыны 555 еуроға көтеруді және толық жалақыны сақтай отырып, ауысыммен жұмыс істейтін қызметкерлер үшін жұмыс аптасын 38-ден 35 сағатқа дейін қысқартуды талап етіп отыр.
Бұған Deutsche Bahn жұмыс күшінің жетіспеушілігін алға тартып, жалақыны 11% көтеруді ұсынды.
Кәсіподақ өз мүшелері арасында толық ереуілге дауыс бере бастады және нәтижелерін 19 желтоқсанда жариялауды жоспарлап отыр.
