Киевке беріліп жатқан көмек пакеті ең төменгі көрсеткішке жетті
Сондай-ақ Украинаға, Израильге және Тайваньға көмек көрсету туралы АҚШ-тың заң жобасы дауыс беруден өткен жоқ
2023 жылдың тамыз-қазан айларында Украинаға батыс елдерінен уәде етілген жаңа көмектің көлемі ең төменгі деңгейге жетті – ол 2022 жылдың сәйкес кезеңімен салыстырғанда шамамен 90 пайызға қысқард, деп хабарлайды Azattyq Ruhy Анадолы сайтына сілтеме жасап.
Мұны Киль әлемдік экономика институты жүргізген зерттеу нәтижелері дәлелдейді.
Зерттеу нәтижелеріне сәйкес, 2023 жылдың тамыз-қазан айлары аралығында Жаңа көмек пакеттерінің жалпы құны 2,11 миллиард еуроны құрады, бұл 2022 жылдың қаңтарынан бергі ең төменгі көрсеткіш.
Украинаның ең маңызды белсенді донорлары - Германия, Финляндия, Ирландия, Хорватия, Литва, Люксембург, Нидерланды, Норвегия, Швеция және Швейцария, Канада мен Ұлыбритания.
АҚШ жалпы көлемі 44 миллиард еуроны құрайтын ең ірі әскери көмек доноры болып қала береді. Алайда Германия оларды жалпы сомасы 17 миллиард еуродан асатын әскери міндеттемелермен тез қуып жетеді.
Ауыр қару-жараққа уәде етілген жалпы 25 миллиард еуроның 43 пайызы АҚШ-қа тиесілі, 47 пайызы ЕО-ның барлық елдері мен институттарының көмегі саналады.
Бір күн бұрын Украинаға, Израильге және Тайваньға көмек көрсету туралы заң жобасы АҚШ Сенатында процедуралық дауыс беруден өткен жоқ.
Заң жобасын дауыс беру үшін ол 100 дауыстың кем дегенде 60 дауысын алуы керек еді. Тек 49 сенатор «жақтап» дауыс берді.
