Астанада екінші ауысымның оқушылары да қашықтан оқуға ауыстырылды

Астанада күн райының қолайсыздығына байланысты бүгін, 2023 жылғы 5 желтоқсанда екінші ауысымдағы оқушылар онлайн оқытуға көшірілді, деп хабарлайды Azattyq Ruhy.

Таңертең елордалық білім басқармасы 5 желтоқсанда күн райының нашарлауына байланысты «0-11 сынып оқушылары мен колледждің бірінші ауысымындағы студенттері қашықтан оқыту форматына көшіп жатқанын» хабарлады.

Кейін ведомство екінші ауысымдағы оқушылардың да қашықтан оқытуға көшіп жатқанын хабарлады.

«2023 жылғы 5 желтоқсан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына көшіріледі», - деді Астана қаласының білім басқармасы.