Астанада ауа райына байланысты оқушылар қашықтан оқып, көліктер кешігетіні ескертілді
Бұл туралы қалалық мониторинг және жедел әрекет ету орталығы мәлімдеді

Бүгін Астанада мектеп оқушылары мен колледждің бірінші және екінші курс студенттері қашықтан оқитын болды, деп хабарлайды Azattyq Ruhy.
Бұл туралы қалалық мониторинг және жедел әрекет ету орталығы мәлімдеді.
«Ауа райының қолайсыздығына байланысты бірінші ауысымның 0-11 сынып оқушылары және колледждің 1, 2 курс студенттері қашықтан оқыту форматына ауысады», - делінген хабарламада.
«City Transportation Systems» ЖШС хабарлауынша, сондай-ақ ауа райының нашарлауына байланысты (көктайғақ) көлік ағындары мен қоғамдық көліктің қозғалыс жылдамдығы төмендеді, автобус бағдарларының кешігуі орын алады, қала ішіндегі кейбір көшелермен қоғамдық көліктің жүруі қиындады.
«CTS барлық жол қозғалысына қатысушыларды жолда мұқият болуға және бағдарларды алдын ала жоспарлауға шақырады. Барлық жүргізушіні жолда мүмкіндігінше мұқият болуға, қауіпсіз қашықтықты сақтауға, жылдамдық режимін таңдауға, шұғыл тежеуді болдырмауға шақырамыз. Біздің компанияның диспетчерлік қызметі қаладағы қоғамдық көліктің қозғалысын онлайн режимде бақылайтынын атап өту қажет», - делінге хабарламада.