Алматы облысында әкімдік өкілдері ауыз су үшін тұрғындардан заңсыз ақы алған
Мамандар әрбір үйден 22 мың теңгеден жинаған
Алматы облысында әкімдіктің мамандары сумен жабдықтауда тұрғындардан заңсыз ақы жинаған. Еңбекшіқазақ ауданының прокуратурасы ауыз сумен тұрғындарды қамтамасыз етумен айналысатын мекеменің заңсыздықтарын анықтады, деп хабарлайды Azattyq Ruhy тілшісі
Прокуратура мекеме тарифтерінің негізділігіне кең ауқымда тексеріс жүргізген.
«Жүргізілген талдау тұтынушылардан сумен жабдықтау желілеріне қосылғаны үшін, сондай-ақ суды есепке алу аспаптарын пломбалағаны үшін ақы алу фактісі анықталды (22 мың теңге). Ал, "табиғи монополиялар туралы" заңда тұтынушыға сумен жабдықтау желілеріне қосылуға техникалық шарттарды сақтаудан басқа өзге де талаптар қоюға тыйым салынады.3) Заңның 24-бабының 10-тармағы)», - делінген прокуратураның хабарламасында.
Іске прокуратура араласқан соң заңсыздықтың жолы кесілді. Ауыз сумен жабдықтауды қосқаны үшін ақша алып келгендер жазаланды.
«Сумен жабдықтау бойынша қатыгез практика жойылды, кінәлі тұлғалар әкімшілік жауапкершілікке тартылды. Қадағалау органының әрекеттерінің арқасында Еңбекшіқазақ ауданының азаматтары сумен жабдықтауға тегін қосыла алады», - деп хабарлады прокуратура.
