Денсаулыққа «пайдалы» ботқа: Қостанай облысында ер адам қарасорадан тағам дайындаған

Қостанай облысының 63 жасар тұрғыны қарасорадан тағам дайындаған, деп хабарлайды Azattyq Rýhy ҚР ІІМ баспасөз қызметіне сілтеме жасап.

Оның үйінде «Құқықтық тәртіп» жедел алдын-алу шарасы барысында полицейлер арақ қорабынан салмағы 500 грамнан асатын өсімдік тектес заттың ұнтағын тапты.

«Ер адам шөптен денсаулыққа «пайдалы»  ботқа пісіретінін айтқан. Полицейлер затты сараптамаға жіберді», - делінген ақпаратта.

ҚР ҚК 296-бабы бойынша сотқа дейінгі тергеп-тексеру басталды. Қазіргі уақытта қажетті тергеу әрекеттері жүргізілуде.

Жыл басынан бері полиция қызметкерлері заңсыз айналымнан 480 келіден астам түрлі есірткі заттарын тәркіледі.