Үш оқушы жараланды: Ирландияда ер адам көшеде пышақпен шабуыл жасады

Ирландия астанасының орталығындағы қыздар мектебінің жанында ер адамның пышақпен жасаған шаубылынан кем дегенде бес адам, оның ішінде үш бала зардап шекті. Бұл туралы RTE телерадиокомпаниясы мәлімдеді, деп хабарлайды Azattyq Ruhy РИА Новости ақпараттық агенттігіне сілтеме жасап.

«Оқиға салдарынан зардап шеккен бес адам Дублин аймағындағы әртүрлі ауруханаларға жеткізілді. Үш бала пышақталды деген күдікпен ауруханаға жеткізілді», - делінген RTE хабарламасында.

Шабуыл жасаған күдікті ұсталды. Оқиға орнында полиция мен төтенше жағдайлар қызметкерлері жұмыс істеуде, оқиға аймағындағы жолдар жабылды.