Солтүстік Қазақстанда 35 ауыл жарықсыз отыр

Солтүстік Қазақстан облысының 5 ауданындағы 35 елдімекен әлі жарықсыз отыр, деп хабарлайды Azattyq Ruhy.

Жөндеу жұмыстарының жалғасып жатқанына 5 тәулікке жуықтады. Мамандар ақауды толық жоя алмай жатыр.

Естеріңізге сала кетсек, өткен сенбіде боран болып, қатты желден сымдар үзіліп, электр бағандар құлаған болатын. Салдарынан 183 ауыл жарықсыз қалған еді. Желілер біртіндеп іске қосылып жатыр. Қазір 2400-ден астам отбасы жарықсыз отыр. Өңірдегі электр желілерінің 95 пайызы тозған. Сондықтан мәселе қайталануы да мүмкін. Ал облыстық әкімдік өкілдері бүгін сағат 3-ке дейін тұрғындардың барлығы электр қуатымен қамтамасыз етілетінін айтты, деп жазады qazaqstan.tv.