Астана сыртындағы барлық бағыт бойынша жол қозғалысы шектелді

Елорда сыртындағы барлық бағыт бойынша жол қозғалысы шектелді, деп хабарлайды Azattyq Ruhy.

Астана қаласы әкімдігінің қалалық мониторинг және жедел әрекет ету орталығы хабарлағандай, бүгін ауа райының күрт нашарлауына байланысты жол қызметтері күшейтілген режимде жұмыс істеп жатыр.

«Қала маңы бағдарлары жолаушылары назарына! Ауа райының нашарлауына (жауын, көктайғақ, қатты жел) және жолдардың жабылуына байланысты, қала маңына қатынайтын барлық бағдарлардың қозғалысы уақытша тоқтатылды», - делінген «City Transportation Systems» ЖШС хабарламасында.

Еске салайық, бұған дейін республиканың үш өңірінде жол қозғалысына шектеу қойылғанын хабарлаған болатынбыз.