ШұғылҚазақстанда өткен тәулікте 1062 адам коронавирус инфекциясын жұқтырды

Түркістан облысында шектеу шаралары күшейтілді

Облыс бойынша 3-17 сәуір аралығында шектеу енгізіледі

Фото: ашық дереккөзден

Түркістан облысының тұрғындары үйден тек қана азық-түлік, дәрі-дәрмек алуға немесе жұмысқа бару үшін шығуы керек. Бұл туралы Түркістан облысы әкімі Өмірзақ Шөкеев Төтенше жағдай режимін қамтамасыз ету жөніндегі  облыстық комиссия отырысында айтты, деп хабарлайды Azattyq Rýhy тілшісі

Өмірзақ Шөкеев облыс көлемінде шектеу шараларын күшейту бойынша бірқатар жұмыстарды қолға алуды тапсырды. Атап айтқанда, Түркістан облысы бойынша аудан-қала территориясында 3 сәуір мен 17 сәуір аралығында шектеу енгізіледі.

Облысаралық, ауданаралық, қалааралық жолаушылар тасымалы тоқтатылады. Сондай-ақ, жүк тасымалынан басқа теміржол байланысы мен автовокзалдар мен автобекеттер жұмысы да тоқтайды. 

Қоғамдық көліктер таңғы 6.00 мен 20.00 аралығында жүреді. 

Облыс аумағында «бетперделік режим» енгізіледі. 

Азық-түлік базарлары күн сайын дезинфекцияланады, жұмыс режимі 10.00 мен 17.00 аралығын құраса, азық-түлік дүкендері мен дәріханалар 9.00-20.00 аралығында жұмыс істейді. Көпшілік тамақтанатын орындар келушілерді қабылдамай, тек үйге тапсырыс қабылдау арқылы сағат 8.00 мен 20.00 аралығында жұмыс істейді. 

Жанар-жағармай құю бекеттері, екінші деңгейлі банк, жеке нотариустер 10.00 мен 16.00 аралығында қызмет көрсетсе, сән салоны, шеберхана, көлік жөндеу орындары сағат 10.00-18.00 режиміне көшеді. 

Бұдан бөлек, тротуарларды, жолдарды және оларға іргелес аялдама кешендерін, жол қиылыстарын, сыртқы элементтерді және сауда алаңдарының (азық – түлік дүкендерінің) учаскелері кестеге сәйкес дезинфекцияланады.

 

Сұхбат
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
Филология ғылымдарының кандидаты Ербол Тілешовпен латын әліпбиіне қатысты сұхбат
Имамның айтуынша, құрбандыққа шалынған мал етін алуға өтініш бергендер саны басымырақ