Алматының магистральды автожолдарында жаңа үлгідегі қоршау орнатылды
Аталған жұмыстарды келесі маусымда жалғастыру жоспарланып отыр
Алматының магистральды автожолдарында жаңа үлгідегі 12 км қоршау орнатылды, деп хабарлайды Azattyq Ruhy қалалық әкімдіктің баспасөз қызметіне сілтеме жасап.
Бір жыл ішінде қалада мырыш металынан жасалған 12 шақырымға жуық жол қоршауы орнатылды. Алматы әкімі Ерболат Досаев үнемді әрі төзімді материалды жол белгілері мен қоршауларын орнату кезінде пайдалануды тапсырды, соның арқасында магистральды автомобиль жолдарының сыртқы түрі жақсарды.
«2023 жылға арналған жол жұмыстары жоспарында «боялған металдан» жасалған құбырлы түрдегі жол қоршауларын мырыштау әдісін қолдана отырып жасалған қоршауларға ауыстыру көзделген. Жоспарлы жол-жөндеу кезінде 12 шақырымға жуық жерге осындай қоршаулар орнатылды. Бұл жұмыстарды келесі маусымда жалғастыру жоспарлануда», - дейді әкімдік өкілдері.
Мырышталған металл қоршауларды пайдалану магистральды автожолдың түрін ұзақ уақыт бойы (15 және одан да көп жыл) тиісті сақтауға мүмкіндік береді және сәйкесінше жыл сайынғы тоттан тазарту және бояу шығындарын болдырмау арқылы оларға қызмет көрсету шығындарын азайтуға мүмкіндік береді.
Жолдарды (жол қоршауларын) абаттандыру элементтерін техникалық жарамды күйде ұстау үшін жыл сайын оларға техникалық қызмет көрсету, оның ішінде жоспарлы сырлау және жуу жүргізіледі. «Боялған» металдан жасалған құбыр қоршаулары бір жыл ішінде айтарлықтай коррозияға ұшырады. Құрылыс нормаларына сәйкес қоршау беттерін бояу континентальды климат пен жоғары ылғалдылық жағдайында эстетикалық келбетін жиі жоғалтатын бояумен жүзеге асырылды.
«Сондай-ақ 2023 жылдың басынан бастап Алматыда 3 804 жол белгісі орнатылып, ішінара «мырышталған» белгіге ауыстырылды, 109 көшеде 277,86 мың шаршы метр жолақтар сызылды», - делінген хабарламада.
