Бразилияда ұшақ апатқа ұшырап, 12 адам қаза тапты

Ұшақ жерге құлаған соң бірден өртеніп кеткен

Бразилияда ұшақ апатқа ұшырап, 12 адам қаза тапты

Бразилияда шағын ұшақ апатқа ұшырап, соның салдарынан 12 адам қаза тапты, деп хабарлайды Azattyq Ruhy.

Globo телеарнасының хабарлауынша, ұшақ елдің солтүстік-батысындағы Рио-Бранко қаласындағы әуежай маңында құлаған.

«Ұшақ бортындағы барлық жолаушы мен экипаж мүшелері қаза тапты. Олардың арасында бала да болған», - делінген хабарламада.

Белгілі болғандай, ұшақ жеке компанияға тиесілі болған.

Компанияның хабарлауынша, әуе кемесі жерге құлаған соң бірден өртеніп кеткен.

Оқиға орнына көптеген жедел жәрдем және өрт сөндіру бригадалары келді.

Оқиғаға байланысты тергеу басталды.

×
Бұл желілік ресурстың ақпараттық өнімдері 18 жастан асқан адамдарға арналған.