Тоқаев Аустрияның Федералдық президентіне құттықтау жеделхатын жолдады

Бүгін - Аустрия Республикасының ұлттық күні

Фото: Ақорда

Қасым-Жомарт Тоқаев Александр Ван дер Белленді және Аустрия халқын Аустрия Республикасының ұлттық күнімен құттықтады, деп хабарлайды Azattyq Ruhy.

Бұл туралы Ақорданың баспасөз қызметі хабарлады.

«Қазақстанның Еуропа кеңістігіндегі сенімді серіктесінің бірі саналатын Аустриямен дәстүрлі достық және өзара қолдау рухындағы көпжақты ынтымақтастығымыз алдағы уақытта нығая түсетініне кәміл сенімдімін», – деп жазылған жеделхатта.

Мемлекет басшысы Қасым-Жомарт Тоқаев Президент Александр Ван дер Белленнің аса жауапты қызметіне толайым табыс, ал достас Аустрия халқына құт-береке тіледі.

Мақалада

#Қасым-Жомарт Тоқаев #ақорда #жеделхат #Аустрия #құттықтау

Алдыңғы жаңалық

Ақмола облысында көлік жүргізуге тыйым салынған жүзден астам жүргізуші анықталды