«Оқушылардың орнына компьютерді өзге адам қашықтан басқарған»: Түркістанда мемлекеттік аттестау кезінде бұзушылықтар анықталды

Мемлекеттік аттестаттауды өткізу барысында Түркістан облысы Сайрам ауданында орналасқан №96 жалпы орта мектебінде 4, 9- сынып оқушыларының оқу бағдарламасын меңгеру деңгейін бағалау кезінде құқық бұзушылықтарға жол берілгені анықталды, деп хабарлайды Azattyq Ruhy.

Сайрам ауданында орналасқан №96 жалпы білім беретін орта мектебінде 4-сыныптың білім жетістіктеріне бағалау жүргізу барысында оқушылардың бірінен соң бірі сыртқа шығуға сұранып, тестілеуді уақыт бітпей жатып ертерек аяқтап, жоғары балл жинауы күдік туғызды.

Бейнежазбаны тексеру барысында тест тапсырушылардың орнына компьютерді өзге адам қашықтан басқарып, сұрақтарға жауап беріп отырғаны анықталды.

Тәуелсіз бақылаушылар мемлекеттік аттестаттау ережесінің бұзылуын анықтап, акт жасады. Сайрам ауданы білім бөлімі мектеп басшылығына қатысты сөгіс түріндегі тәртіптік шара қолданды.