Қазақстанда коронавирустан 13 адам жазылып шықты

Нұр-Сұлтан қаласында аурудан айыққан он адам екі апта үй карантинінде болады

Қазақстанда коронавирустан 13 адам жазылып шықты
Фото: ашық дереккөзден

Нұр-Сұлтан қаласында коронавирустан айығып шыққан он адам ауруханадан шығарылады, деп хабарлайды Azattyq Rýhy тілшісі. Бұл туралы елорданың Денсаулық сақтау басқармасының басшысы Сәуле Қисықова айтты.

«Олардың шағымы жоқ, жағдайы тұрақты. Екі рет зертханалық тексеруден өтті. Олар екі апта үй карантинінде болады», - деді ол. 

Сәуле Қисықова бұған дейін елордада екі адамның ауруханадан шығарылғанын атап өтті.

Айта кету керек, соңғы деректер бойынша Қазақстанда коронавирус жұқтырғандар саны 204-ке жетті.

×
Бұл желілік ресурстың ақпараттық өнімдері 18 жастан асқан адамдарға арналған.