Қазақстанда коронавирус жұқтырған 121-ші адам тіркелді

27 наурыз сағат 10:20-ғы жағдай бойынша Алматыда тағы бір адамның COVID-19 вирусын жұқтырғаны анықталды. Еске салайық, бүгін таңертең оңтүстік астанада тағы 7 адамның ағзасынан коронавирус табылғаны хабарланған болатын.

Осылайша, Қазақстанда COVID-19 вирусын жұқтырғандардың саны 121-ге жетті. 26 наурызда елордада аталған індеттен бір адам көз жұмған болатын.

• Нұр-Сұлтан – 60
• Алматы – 48
• Қарағанды – 4
• Шымкент – 2
• Ақмола облысы – 1
• Алматы облысы – 1
• Ақтөбе облысы – 1
• Жамбыл облысы – 3
• Солтүстік Қазақстан облысы – 1

Айта кетейік, 28 наурыздан бастап Нұр-Сұлтан мен Алматыда карантин режимі күшейтіледі. Сонымен қатар, Шымкентте де бірқатар шектеулер енгізілді.