Нұр-Сұлтанда тағы 9 адамнан коронавирус анықталды

Елімізде коронавирус жұқтырғандар қатары тағы 9 науқаспен толығып, жалпы саны 97 адамға жетті деп хабарлайды coronavirus2020.kz порталы.

26 наурыз сағат 12:20 жағдай бойынша Нұр-Сұлтанда тағы 9 адамнан коронавирус анықталған. Бүгін таңертең елімізде 7 адамның ауру жұқтырғаны хабарланған еді.

• Нұр-Сұлтан – 55 науқас
• Алматы – 34 науқас
• Қарағанды – 2 науқас
• Алматы облысы – 1 науқас
• Ақтөбе облысы – 1 науқас
• Шымкент – 2 науқас
• Жамбыл облысы – 1 науқас
• Солтүстік Қазақстан облысы – 1 науқас.

Айта кетейік, елімізде коронавирустың кең таралуына жол бермеу мақсатында 16 наурыздан бастап төтенше жағдай жарияланды. Ал, 19 наурыздан бастап Алматы мен Нұр-Сұлтан қалаларында карантин енгізілген.