Шымкенттегі орташа жалақы мөлшері 234 965 теңгені құрады

Қазыналық кәсіпорындардың азаматтық қызметшілерінің және техникалық қызметтер көрсетуді жүзеге асыратын қызметкерлердің жалақысын көтеру мәселесі қалалық мәслихаттағы «AMANAT» партиясының фракция отырысында қаралып, кезекті 2-сессияда қолдау тапты, деп хабарлайды Azattyq Ruhy.

2023 жылдың 1 сәуірінен бастап өңірдегі 17 мыңнан астам азаматтық қызметкердің айлығы 70 мың теңгеден 110 мың теңгеге артты. Бұған жергілікті бюджеттен 3 млрд теңге бөлінді.

«Қала бойынша 2022 жылы орташа айлық 2021 жылмен салыстырғанда 22%-ға артып, 234 965 теңгені құрады. Атап айтқанда, 2022 жылы білім, денсаулық сақтау, әлеуметтік қамту, спорт саласындағы 43,4 мың қызметкер жалақысы 25%-ға, 49,4 азаматтық қызметкер табысы 23%-ға, 31,4 мың шағын және орта бизнес қызметкерінің айлығы 22%-ға, 465 мәдениет қызметкерлері - 20%-ға, 1,8 мың қоғамдық қауіпсіздік қызметкерлерінің жалақысы 15%-ға көтерілді», - делінген «AMANAT» партиясының Шымкент қалалық филиалының хабарламасында.

2023 жылы 33,5 мың адамды жұмыспен қамту жоспарланған, қазіргі уақытта 12,2 мың (36,6%) адам жұмыспен қамтылды.

Сонымен қатар, «Асар-2» шағын ауданындағы жол мәселесі бойынша, Күншоғыр көшесінің 1, 2-учаскелері және атауы жоқ №3 көшесінің орташа жөндеу жұмыстары жүргізілуде. 

«Асарды Шымкентсити шағын ауданымен қосатын атауы жоқ көшенің құрылысы» нысанның жобалау-сметалық құжаттамалары әзірленіп, мемлекеттік сараптама оң қорытындысы алынды. Нысанның құрылысына республикалық бюджеттен қаржы қарастыруға Шымкент қаласы әкімдігі тарапынан ҚР Индустрия және инфрақұрылымдық даму министрлігіне 2024-2026 жылдарға арналған республикалық бюджетке 2024 жылға жалпы құны 1 млрд. теңгеге өтінім ұсынылды», - делінген.

«Асар-2» шағын ауданында шеткі көшелерге қазба жұмыстары осы жылдың аяғына дейін созылатындығын ескере отырып, биыл шағал тас төсеу жұмыстары жүргізіледі.

Ал, аталған шағын аудандағы кәріз жүйелерінің құрылысы нысанның жалпы құны – 1 млрд теңге. Құрылыс мерзімі – 10,3 ай. Құрылыс жұмыстары үшін 2020-2023 жылға 532 млн теңге бөлінді. Қазіргі таңда Асар-2 шағын ауданында 16 км кәріз жүйесі жүргізілді.