Елімізден бензин, дизель отындарын шетелге тасымалдауға тыйым салу мерзімі алты айға ұзартылды

Қазақстаннан бензин, дизель отыны мен мұнай өнімдерінің жекелеген түрлерін тасымалдауға тыйым салу алты айға ұзартылды. Тиісті бұйрық Қазақстанның Нормативтік құқықтық актілерінің эталондық бақылау банкінде электрондық түрде орналастырылған және осы жылдың 14 тамызында қолданысқа енгізіледі, деп хабарлайды Azattyq Ruhy Kursiv.kz-ке сілтеме жасап.

Энергетика, Қаржы, Ішкі істер министрліктері және ҰҚК «Қазақстан Республикасының аумағынан мұнай өнімдерін әкетудің кейбір мәселелері туралы» бірлескен бұйрығын жариялады, оған сәйкес 14 тамыздан бастап Қазақстаннан автомобиль көлігімен бензин, дизель отыны және мұнай өнімдерінің жекелеген түрлерін әкетуге алты айға тыйым салынады.

Қоспаларды іріктеу бойынша ғылыми-зерттеу жұмыстарын жүргізу үшін майлау майлары мен авиациялық отын бұл тізімге кірмейді. Сондай-ақ, мұнай өнімдерін автомобиль көлігін дайындаушы зауытта көзделген бензин бактарында әкетуге рұқсат етіледі.

Бұған дейін мұнай өнімдерін әкетуге тыйым салу бірнеше рет ұзартылды. Тыйым салу туралы соңғы бұйрықтың күші 2023 жылдың 1 тамызына дейін болған.

Үкіметте республикадағы жанармайдың төмен бағасы көршілес мемлекеттердегі бағамен салыстырғанда тапшылықтың пайда болуына ықпал етеді деп санайды.