Еңбек демалысынан кейін жұмыс режиміне қалай жылдам оралуға болады – дәрігер кеңесі

Жазғы еңбек демалысынан кейінгі қалыпты жұмыс режиміне бірден оралу кез келген адам үшін оңай бола қоймасы анық. Осы орайда ҚР ПІБ Медициналық орталығының басшысы Алексей Цой бірнеше кеңес ұсынады, деп хабарлайды Azattyq Ruhy.

«Ұзақ демалып келгеннен кейін жұмыс атмосферасына қайта оралу қиындық туғызатыны рас. Сондықтан еңбек өнімділігін қалпына келтіріп, өзгерістерге бейімделіп, жұмыс атмосферасына қайта оралу оңайға түсе қоймайды. Есіңізде болсын, демалыстан жұмысқа шығу уақыт пен шыдамдылықты қажет етеді», - деп жазды Алексей Цой желідегі парақшасында.  

Дәрігер қалыпты жұмыс режиміне жылдам бейімделу үшін де белгілі бір ережелерге сүйенуге кеңес береді:

• Күнтізбеңіздегі белгіленген іс-шараларды қарап, кездесулерді жоспарлаңыз;
• Тапсырмалардың тізімін жасаңыз;
• Тапсырмаларға басымдық қойып, уақыт бөліңіз;
• Маңызды хаттар мен хабарламаларға бірінші жауап беріңіз;
• Жұмыс орнын ұйымдастырыңыз және қажетсіз заттардан арылыңыз;
• Әріптестеріңізге жұмыста екеніңізді хабарлаңыз.

Дәрігер сондай-ақ жұмыс режиміне біртіндеп кірісіп, жеке істеріңіз бен демалу уақыты туралы да ұмытпау керек екенін еске салады.