БҚО-да 162 млн теңге бюджет қаржысын жымқырған кәсіпорын басшылары сотталды

Батыс Қазақстан облысында «Теректі – таза су» лауазымды тұлғалары бюджет қаратын жымқырғаны үшін сотталды, деп хабарлайды Azattyq Ruhy. 

Сыбайлас жемқорлыққа қарсы іс-қимыл агенттігінің хабарлауынша, Теректі аудандық сотымен «Теректі-таза су» мемлекеттік кәсіпорнының лауазымды тұлғаларына қатысты үкім жарияланды.

«Сот үкімімен кәсіпорын директоры 7,5 жылға және бас бухгалтер 7 жылға бас бостандығынан айырылды. Екеуі де өзіне және ұйым қызметкерлеріне жалақыны артық аудару, сондай-ақ жеткізушілерге нақты орындалмаған жұмыстар үшін бюджет қаражатын негізсіз аудару арқылы 162 миллион теңге сомасында бюджет қаражатын жымқырды деп айыпталды», - делінген Антикор хабарламасында.

Сотталғандар өмір бойы мемлекеттік қызметте, жергілікті өзін-өзі басқару органдарында, қаржы ұйымдарында және квазимемлекеттік секторда лауазымдарды атқару құқығынан айырылды.

Сот үкімі заңды күшіне енген жоқ.