Астанада автобустарды күту уақытын қысқартамыз – Жеңіс Қасымбек

Бұл туралы Астана қаласының әкімі Жеңіс Қасымбек айтты. Оның айтуынша, Тәуелсіздік даңғылына 400 автобус жетікізіледі, деп хабарлайды Azattyq Ruhy. 

«400 автобус жеткізіліп, 70-тен астам көше жөнделеді. Бұдан бөлек, аялдамаға бұрылатын орындарды, пандустарды, тротуарларды және әлеуметтік нысандарға кірер жолдарды ыңғайластыру жұмысы жүріп жатыр», - деді ол.

Қала әкімі автобустарды күту уақытын қысқартамыз деп сендірді.

«Қала тұрғындарының өскенін ескере отырып, қоғамдық көліктер санын ұлғайту жұмысын жүргізіп жатырмыз. Жуырда 20 электр автобус жеткізілді, оған дейін 50 автобус болатын. Шілдеде тағы 70 автобустың жеткізілуін күтіп отырмыз. Жыл соңына дейін барлығы 400 автобус жеткізіледі. Бұл жаңа бағыттарды іске қосуға, күту уақытын қысқартуға, ескі автобустарды алмастыруға мүмкіндік береді», - деді ол.

Сондай-ақ жыл соңына дейін Есіл өзені арқылы Тәуелсіздік даңғылындағы көпірді ашуды жоспарлап отырғанын айтты.

«Бұл көпір жолдардағы көлік нөпірін едәуір жеңілдетуге мүмкіндік береді. Көпір Тәуелсіздік даңғылымен, жаңа теміржол вокзалы ауданымен, Қошқарбаев даңғылымен, Нәжімеденов көшесімен, Әзірет Сұлтан мешіті ауданымен, Байтұрсынов, Қордай, Айнакөл көшелерімен, Момышұлы даңғылымен қосымша байланыс қамтамасыз етіледі», – деді Жеңіс Қасымбек.

Елорда әкімі қалада жол жұмысы жүргізіліп жатқанын атап өтті. Биыл ұзындығы 54 км-ден асатын 70-тен астам көшені жөндеу жоспарланып отыр, жөндеу жұмысымен 300-ге жуық көше қамтылады.

Сондай-ақ қала әкімі Астанада нақты құрылыстың күрес қалай жүріп жатқанына тоқталды. Оның айтуынша, 20-ға жуық учаскеде көппәтерлі тұрғын үй кешендерінің орнына әлеуметтік нысандар пайда болады. Олар: мектептер, емханалар, қоғамдық кеңістіктер, гүлзарлар, желекжолдар, аулалар, балабақшалар.

«Қалада сондай 22 нысан бар. Барлық нысаннан хабарымыз бар. Олар бойынша көрші үйлердің тұрғындарының бастамашыл топтарымен және құрылыс салушылардың өкілдерімен белсенді жұмыс істейміз. Қазір екі нысанның ісі сотта қаралып жатыр, қалғандары бойынша шешім бар. Учаскелер тұрғындардың пікірін ескере отырып, әлеуметтік нысандар салу үшін пайдаланылатын болады», - деді ол.

Бақытжан Баймахан