Мемлекет басшысына «Дактилоскопиялық тіркеу» жобасы таныстырылды

Жоба заңсыз құжат рәсімдеу фактілерін болдырмайды

Фото: Ақорда

Мемлекет басшысына «Дактилоскопиялық тіркеу» жобасы таныстырылды, деп хабарлайды Azattyq Ruhy Ақорданың баспасөз қызметіне сілтеме жасап.

Бұл жоба азаматтарға уақыт үнемдеп, құжаттарын өз бетінше рәсімдеуге мүмкіндік береді. Ең басты ерекшелігі – суретке түсірген кезде адамның бет-бейнесін таниды.

Бұл заңсыз құжат рәсімдеу фактілерін болдырмайды.

Айта кетсек, 2024 жылы 1 қаңтардан бастап жеке басты куәландыратын құжат беру кезінде міндетті дактилоскопиялық тіркеу қолданылады.

«Деректер қорына саусақ ізі дактосканерлер арқылы енгізіледі. Азамат келесі рет өтінім жасағанда оның кім екені саусақ ізі арқылы анықталады», - дейді мамандар.

Мақалада

#Қасым-Жомарт Тоқаев #ақорда #ҚР ІІМ #дактилоскопия

Алдыңғы жаңалық

БҚО-да 162 млн теңге бюджет қаржысын жымқырған кәсіпорын басшылары сотталды