Украинаны қалпына келтіру қажеттілігі 411 миллиард долларға бағаланды

Дүниежүзілік банк Украинаға жедел режимде Каховская ГЭС-тің жойылуынан болған залалды бағалауды, сондай-ақ Украинаның су электр станциясын қалпына келтіру қажеттіліктерін бағалауды жүргізу арқылы көмектесуге дайын, деп хабарлайды Azattyq Ruhy BBC Russian-ға сілтеме жасап.

«Кахов су электр станциясының жойылуы өмірлік маңызды қызметтерді көрсету үшін және жалпы қоршаған орта үшін көптеген ауыр зардаптарға әкелді. Дүниежүзілік RDNA жедел бағалау жүргізу арқылы Украинаға қолдау көрсетеді», - деп жазды ДБ операциялық қызмет жөніндегі басқарушы директоры Анна Бьерде Twitter-де.  

Келтірілген залал мен қалпына келтіру қажеттіліктерін жылдам бағалаудың нәтжесінде Дүниежүзілік Банк жиырма түрлі секторға жан-жақты шолу жасайды.

Ресейдің Украинаға басып кіруі басталғаннан бері банк мұндай шығынды екі рет есептеді. «Интерфакс-Украина» еске салғандай, екінші жедел-бағалауға (RDNA2) сәйкес, осы жылы Украинаны қалпына келтіру үшін 14 миллиард доллар инвестиция қажет болады.

Жалпы, Украина Үкіметі, Дүниежүзілік банк тобы, Еурокомиссия және БҰҰ 2023 жылдың 24 ақпанындағы жағдай бойынша Украинаның қалпына келтіру қажеттілігін 411 миллиард долларға бағалады.