ШұғылҚазақстанда өткен тәулікте 115 адамнан коронавирус анықталды

Төтенше жағдай: Пойыздар қозғалысына шектеу қойылады

Бұл туралы Индустрия және инфрақұрылымдық даму министрлігінің баспасөз қызметі хабарлады

Фото: ашық дереккөзден

Индустрия және инфрақұрылымдық даму министрлігі бірқатар транзиттік пойыздарға елге кіруге тыйым салынатыны туралы мәлімдеді, деп хабарлайды Azattyq Rýhy тілшісі.

«Бүгінгі таңда ҚР Мемлекеттік шекарасының периметрі бойынша 27 теміржол өткізу пункті орналасқан. Оның ішінде 18 өткізу пункті арқылы көршілес темір жол әкімшілігінің 23 жолаушылар пойызы және «ҚТЖ»ҰК» АҚ-ның 11 жолаушылар пойызы және 6 қала маңы пойызы қатынайды», - деп жазылған хабарламада.

Министрлік өкілдерінің айтуынша транзиттік және халықаралық пойыздар бойынша (23 пойыз) Қазақстан аумағына кіретін көршілес ТЖ әкімшілігінің, сондай-ақ транзитпен өтетін пойыздарын тоқтата тұру туралы шешім қабылданған. Оның ішінде Өзбекстан Республикасы-13 бағыт; Қырғыз Республикасы-3 бағыт; Тәжік Республикасы-3 бағыт; Беларусь Республикасы - 1 бағыт, РФ пойыздарынан басқа (3 бағыт) бар.

«Қазақстан Республикасын қалыптастырудың халықаралық жолаушылар және қала маңындағы поездары бойынша (11 жолаушы (оның ішінде Нұр-сұлтан/Алматы – Үрімші поезы а. ж. 1 ақпаннан бастап жойылды) және 6 қала маңындағы поездар бойынша Өзбекстан Республикасы (Алматы-Ташкент және Алматы-Нүкіс); Қазақстан Республикасына келуге ниет білдірген шетелдіктер үшін билеттерді сатуға тыйым салуды енгізу шартымен ҚР мен РФ арасындағы 8 жолаушы және 6 қала маңы поездарының жүруін жалғастыру туралы шешім қабылданды», - деп жазылған хабарламада.

Петропавл станциясы бойынша РФ жолаушылар поездары бойынша (Транссібір магистралі РТЖ арқылы 8 пойыз) ҚР аумағы бойынша билеттерді сатуға тыйым салу бойынша «РЖД» ААҚ-мен пысықтау (Петропавл қ.); СЭС органдарының денсаулық жағдайын бақылаумен тек Қазақстан азаматтарын Петропавл станциясы бойынша түсіру туралы шешім қабылданды.