Бағдат Мусин Астанадағы интернеттің сапасы жақсарғанын айтты
Қазір станция салатын жер телімдерін таңдау бойынша жұмыс жүргізіліп жатыр
ҚР Цифрлық даму, инновациялар және аэроғарыш өнеркәсібі министрі Бағдат Мусин елордадағы интернетке қатысты пікір айтты, деп хабарлайды Azattyq Ruhy.
«Мен ЭКСПО ауданынан өттім, интернет жақсарған. Хан Шатыр ауданында екі базалық станция орнатылды, жақсарып келеді. Бірақ біз қосымша айыппұлдар жазып, қосымша тағы екі ай бердік. Әкім кеше кеңес өткізді, себебі бізге әкімдіктен жер телімдері қажет, ол бұл жұмысты күшейтіп жатыр. Қазір учаскелер бөлініп, құрылыс басталады. Салтанат қақпасы (триумфальная арка-авт.) аймағында да радиофобия бойынша сондай проблема бар. Біз қазірдің өзінде жер телімдерін тауып жатырмыз, оларды өзіміз бөле алмаймыз», - деді Бағдат Мусин Үкіметтің кулуарында.
