Қазақстанның қай өңірінде балалар саны басым – статистика

Ұлттық статистика бюросының мәліметінше, бүгінде Қазақстанда 16 жасқа дейін 6 млн 162 мың бала бар, деп хабарлайды Azattyq Ruhy.

«Балалардың 51,4%-ы ұлдар болса, 48,6%-ы – қыздар. Қалалық жерлерде 3 664 мың бала тұрса, ауылдық жерлерде 2 497 мың бала бар», - дейді статистик мамандар.

Сондай-ақ өңірлер бөлінісінде балалардың ең көп саны Түркістан облысында – 836 мың бала тұрады. Одан кейін Алматы қаласы және Алматы облысында, сәйкесінше 592 мың және 498 мың баладан келеді.