Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

Қазақстанда коронавирус жұқтырған тоғызыншы адам тіркелді

2008 жылы туған қыз Алматыға Германиядан келген

Фото: ашық дереккөзден

Қазақстанда тағы бір адамнан коронавирус анықталды, деп хабарлайды Azattyq Rýhy тілшісі. Бұл туралы Денсаулық сақтау министрлігінің ресми өкілі Диас Ахметшәріп хабарлады.

«Жаңа 1 жағдай Алматы қаласында анықталды. 2008 жылы туған қыз Алматыға Германиядан келген. Барлығы Қазақстанда 9 жағдай, Алматы қаласында - 7, Нұр-Сұлтан қаласында 2 адам. Стационарлық карантинде 1 644 адам, үй карантинінде 628 адам жатыр», - деді ол.

Оның айтуынша, ҚХР-дан және шекаралас мемлекеттерден келген азаматтарға мониторинг жалғасуда.

«Барлық санаттар бойынша мониторингке 2 мың 537 адам алынды, оның ішінде 1 «а» санаты бойынша – 1 мың 626, 1 «б» санаты бойынша – 564, 2 санаты бойынша – 347 адам. Мониторингке алынған 2 мың 537 адамның 480  бақылау тоқтатылды. 15 наурыздағы жағдай бойынша барлығы 2 мың 057 адамға мониторинг жүргізуде», - деп жазылған хабарламада.

Қазіргі уақытта дене қызуымен және ЖРВИ белгілерімен 125 адам ауруханаға жатқызылды. Олардың ішінде 60 адам стационарда қалады.