Қасым-Жомарт Тоқаев Түркия Президентін сайлаудың бірінші кезеңіндегі жеңісімен құттықтады

Екі ел басшылары телефон арқылы сөйлесті

t.me/aqorda_resmi

Қасым-Жомарт Тоқаев Түркия Президенті Режеп Тайип Ердоғанмен телефон арқылы сөйлесті, деп хабарлайды Azattyq Rýhy Ақорданың баспасөз қызметіне сілтеме жасап.

Әңгімелесу барысында Мемлекет басшысы Қасым-Жомарт Тоқаев Режеп Тайип Ердоғанды Түркиядағы президент сайлауының бірінші кезеңінде жеңіске жетуімен құттықтады.

Президент сондай-ақ парламенттік сайлауда Әділет және даму партиясы бастаған республикалық альянстың жеткен жетістігін атап өтті.

Сонымен қатар Қазақстан мен Түркия президенттері бауырлас екі ел арасындағы көпжақты ынтымақтастықты одан әрі тереңдету мәселелерін талқылады.

Мақалада

#Қасым-Жомарт Тоқаев #Режеп Тайып Ердоған #президент сайлауы

Алдыңғы жаңалық

Мемлекет басшысының төрағалығымен Қауіпсіздік Кеңесінің отырысы өтті