Астанада 100 млн теңге мен бір құйма алтынды елден заңсыз шығармақ болғандар ұсталды

Сәуір айының басынан бері «Әуежай Астана» кеден бекетінде 100 миллион теңгеден астам сомаға декларацияланбаған қаржыны, сондай-ақ бір құйма тазартылған алтынды әкету фактілері анықталды, деп хабарлайды Azattyq Ruhy.

Астананың мемлекеттік кірістер департаментінің баспасөз қызметі хабарлағандай, Астана-Анталия рейсінің жолаушысынан кедендік бақылаудан өткен кезде декларацияланбаған 118 392 АҚШ доллары, 28 750 рубль, 92 885 еуро көлеміндегі қолма-қол ақша табылған.

«МКД жеке тұлғаларға Қазақстаннан 10 000 АҚШ доллары баламасынан асатын қолма-қол шетел валютасын және шетел валютасындағы ақша құралдарын әкетуге және тазартылған алтынды әкетуге тыйым салынғанын еске салады» - делінген хабарламада.

Бұл ретте мұндай заңбұзушылықтар анықталған жағдайда еліміздің заңнамасына сәйкес әкімшілік немесе қылмыстық жауапкершілік қарастырылған.