Ақтауда кәмелетке толмағандар сотталды

Маңғыстау облысының кәмелетке толмағандардың істері жөніндегі мамандандырылған ауданаралық сотында бірнеше жасөспірімге қатысты қылмыстық іс қаралды, деп хабарлайды Azattyq Rýhy.

Сотталушылар өзара алдын ала келісімге отырып, елеусіз жанжалды сылтау етіп жәбірленушілердің денсаулығына зиян келтірген. Олар бірнеше рет балтамен, темір шынжырмен күш қолданып, балғамен ұрып, жәбірленушілерге әр түрлі дене жарақаттарын салған. Сонымен қатар кәмелетке толмаған сотталушылар екі жәбірленушінің ұялы телефондарын түрде ұрлаған.

Сот үкімімен кәмелетке толмағандардың екеуі 4 жыл 6 айға, қалған екеуі 4 жылға бас бостандығынан айырылды.

Үкім заңды күшіне енген жоқ.