Ертең еліміздің басым бөлігінде ауа райына байланысты ескерту жарияланды

«Қазгидромет» ертең, 30 сәуірде еліміздің барлық дерлік өңірінде ауа райына байланысты ескерту жариялады, деп хабарлайды Azattyq Rýhy.

Атырау облысының батысында, солтүстігінде оңтүстік-шығыстан жел соғады, күндіз 15-20 м/с екпінмен жел соғады.

Алматы облысының оңтүстігінде, таулы аудандарда найзағай ойнайды. Солтүстік-батыстан жел соғады, найзағай кезінде желдің екпіні 15-20 м/с.

Алматыда найзағай болады деп болжануда. 

Ақмола облысында солтүстік-шығыстан, солтүстіктен облыстың солтүстігінде, шығысында жел соғады, екпіні 15-18 м/с.

Солтүстік Қазақстан облысының солтүстік-батысында тұман күтіледі. Солтүстіктен, солтүстік-батыстан жел соғады күндіз облыстың басым бөлігінде екпіні 15-20 м/с. 

Абай облысында солтүстік-батыстан жел соғады, түнде облыстың солтүстігінде, батысында 15-20, күндіз 15-20, облыстың оңтүстігінде 23-28 м/с. 

Түркістан облысының тауларында найзағай болады. Күндіз облыстың солтүстігінде шаңды дауыл болып, батыстан солтүстік-шығысқа ауысатын жел соғады, күндіз облыстың солтүстігінде, батысында, таулы аудандарында күші 15-20 м/с. 

Ұлытау облысында солтүстік-шығыстан жел соғады, облыстың оңтүстігінде, шығысында екпіні 15-20 м/с күтіледі.

Қарағанды облысында солтүстік-шығыстан облыстың оңтүстігінде, шығысында жел соғады, екпіні 15-20 м/с

Маңғыстау облысының орталығында оңтүстік-шығыстан оңтүстік-батысқа ауыспалы жел соғады, екпіні 15-20 м/с.

Шығыс Қазақстан облысының солтүстігінде, шығысында, оңтүстігінде жел солтүстік-батыстан соғады, күші 15-20, екпіні 25 м/с. 

Қызылорда облысында жел солтүстік-шығыстан соғады, күндіз облыстың орталығында, солтүстігінде күші 15-20 м/с шаңды дауыл болады.

Жетісу облысының оңтүстігінде, таулы аудандарында найзағай күтіледі. Солтүстік-шығыстан жел соғады, күші облыстың солтүстігінде, таулы аудандарында 15-20, күндіз Алакөл көлдері ауданында екпіні 25 м/с.

Павлодар облысында тұман түседі. Күндіз солтүстік-батыстан жел соғады, облыстың басым бөлігінде екпіні 15-20 м/с. 

30 сәуірде күндіз, 1 мамырда тәулік бойы Жамбыл облысының оңтүстігінде, таулы аудандарында найзағай ойнайды. Облыстың солтүстігінде шаңды дауыл болады. Солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с екпінді жел соғады.