«АрселорМиттал Теміртау» компаниясының жұмысына аудит жүргізу керек – Ерлан Сайыров

Теміртау қалалық кәсіпкерлік және қызмет көрсету жұмыскерлері кәсіподағының деректері бойынша «АрселорМиттал Теміртау» компаниясы 12 жергілікті кәсіпкерге шамамен 700 млн теңге қарыз. Шындап келгенде компанияның қазақстандық фирмаларға қатысты берешегі он есе көп. Бұл туралы Мәжіліс депутаты Ерлан Сайыров ҚР Бас прокуроры Берік Асыловқа жолдаған депутаттық сауалында айтты, деп хабарлайды Azattyq Ruhy.

«Арселлор Миттал» жеткізілген тауарлар мен көрсетілген қызметтер үшін төлемді кешіктіру арқылы қазақстандық бизнес есебінен тегін несиеленудің зиянды тәжірибесін дамытты, бірақ қазір бұл компания Үкіметке көптеген шағымдар мен соттарға жүгінгенудің арқасында көптеген жылдар бойы жасап келгендей, қарыздарды өтеу кестесін де қалыптастырған жоқ. Қазақстандық бизнесмендер жұмыс берушінің міндеттерін бұзбау және жұмыс орындарын сақтап қалу ниетімен жалақы төлеу үшін несие алуға мәжбүр. Нәтижесінде мердігерлік ұйымдарда қызметкерлердің жаппай кетуі байқалады», - делінген депутаттық сауалда.

Сайыров айтуынша, Лакшми Миттал түрлі «сұр» схемалардың арқасында Қазақстан халқының осынау игілігін еш ауыртпалықсыз, су тегін алып отыр.  Барлық қарыздар, оған комбинаттың мүліктік кешенін бергеннен кейін, «Қармет» МАҚ-қа жүктеліп, нәтижесінде көптеген өнім берушілерді 90-шы жылдардағы сияқты «лақтырып кетті».

«Бүгінгі таңда да тауарлар мен қызметтерді жеткізу саласындағы кәсіпкерлер оқиға қайталанып, адамдар қайтадан түксіз қалады деп алаңдайды. Осыған байланысты AMANAT партиясының фракциясы Қазақстан Республикасы Прокуратурасы мына мәселеге баса назар аударуы қажет деп есептейді:

• «Арселлор Миттал» жұмысына өнім берушілер алдындағы қарыздарын қасақана төлемеу мәніне аудит жүргізу;
• осы компанияның тауарлары мен қызметтерін отандық өнім берушілердің мүдделері үкіметтік деңгейде қорғалуы үшін қажетті іс-шаралар өткізу керек. 

Әйтпесе жұмыссыздар қатары толып, әлеуметтік шиеленістің арту қаупі бар», - деп қорытындылады депутат.