Арыстанбек Мұхамедиұлының ісіне қатысты сотталушыны сот залынан жедел жәрдем алып кетті

Ұлттық музейдің бұрынғы директоры Арыстанбек Мұхамедиұлы мен оның сыбайластарының үстінен қозғалған қылмыстық істің сот отырысы келесі аптаға ауыстырылды, деп хабарлайды Azattyq Rýhy.

Бүгінгі сот отырысы барысында айыпталушылардың бірі Алмаз Нұразхан өзін жайсыз сезініп, медициналық көмекке мұқтаж екенін мәлім етті.

Осылайша, сотталушыны сот залынан жедел жәрдем алып кетті.

Ал сот отырысы  24 сәуірге ауыстырылды.

«А. Нұразханды жедел жәрдем бригадасы клиникаға алып кетті, қайсы клиника екенін білмедім. Диагноз қою үшін белгілі бір сала мамандарының көмегі қажет», - деді айыпталушының адвокаты Мұстахим Төлеев.