Түркістан облысында суға кеткен 4 жасар қыз әлі табылмады
Қазіргі уақытта қызды іздеу жұмыстары жан-жақты жүргізіліп жатыр
Түркістан облысының Еңбек ауылында Арыс өзеніне ағып кеткен 4 жасар қыз әлі табылмады, деп хабарлайды Azattyq Rýhy облыстық полиция департаментінің баспасөз қызметіне сілтеме жасап.
17 наурыз күні Түлкібас аудандық полиция басқармасына жергілікті тұрғындардың бірі арызданып, 4 жасар қызы Арыс өзеніне құлап кеткенін айтқан.
Кешкі уақытта үш бүлдіршін туысының үйіне баруға шыққан. Үлкені бес жаста. Полицияның болжамынша, балалар суды кешіп өтпек болған. Осы сәт су 4 жасар бүлдіршінді ағызып әкеткен.
«Қызды іздеуге Түлкібас аудандық полиция бөлімінің толық жеке құрамы мен аудандық прокуратура, ТЖМ-нің қызметкерлері, 30 ерікті жұмылдырылды. Қазіргі уақытта қызды іздеу жұмыстары жан-жақты жүргізіліп, оқиғаның мән-жайы анықталып жатыр», - деп мәлімдеді облыстық ПД баспасөз қызметі.
