Тоқаев Рыбакинаны жеңісімен құттықтады

Елена Рыбакина финалда белорус спортшысынан басым түсті

Фото ашық дереккөзден

Мемлекет басшысы Қасым-Жомарт Тоқаев Индиан Уэллсте жеңіске жеткен Елена Рыбакинаны құттықтады, деп хабарлайды Azattyq Ruhy.

«Индиан-Уэллстегі беделді турнирде жарқын жеңіске жеткен Елена Рыбакинаны құттықтаймын!

Біздің спортшымыз асқан шеберлігін, жеңіске деген мұқалмас ерік-жігерін және спорттағы жоғары мәдениет үлгісін көрсетті.

Елена әлемдегі үздік корттарда жаңа жетістіктерге жете береді деп сенемін!» - деп жазды Қасым-Жомарт Тоқаев Instagram парақшасында.

Айта кетейік, қазақстандық теннисші Елена Рыбакина (WTA рейтингінде 10-орын) Индиан Уэллсте (АҚШ) өткен турнир финалында беларустық Арина Соболенконы (2-орын) жеңді.

Мақалада

#Қасым-Жомарт Тоқаев #Елена Рыбакина #құттықтау

Алдыңғы жаңалық

Ақмола облысында ауыл тұрғынынан қару-жарақ табылды