Алматыда сайлау процесін бақылау бойынша 8 қоғамдық ұйым тіркеуден өтті

Алматыда сайлауға мониторинг жүргізу үшін Бақылаушылар мектебі 1723 адамды дайындады. Бақылаушылардың ішінде сайлаудың әділ өтуін қадағалап жүрген жастар көп, деп хабарлайды Azattyq Ruhy.

Оның айтуынша, аралас дауыс беру жүйесін ескерсек, бұл сайлаудың маңызы зор. Бақылаушылар миссиясы әділ және ашық сайлау өткізуге кедергі келтіретін кез келген құқық бұзушылықтарды бақылау, түзету және алдын алу болып саналады.

«Сайлау тек кандидаттарға, дауыс берушілерге ғана емес, тәуелсіз бақылаушыларға да жауапкершілік жүктейді. Мен және әріптестерім тәуелсіз бақылаушыларды таңдап, арнайы оқыттық. Тәуелсіз байқаушылардың құрамына әртүрлі адамдар кірді. Олар – жастар, жас санатындағы адамдар және әртүрлі әлеуметтік топтар», - деп бөлісті спикер.

Оның айтуынша, Алматыда сайлауды бақылау бойынша 8 қоғамдық ұйым аккредитациядан өтті.

«Байқаушылардың бәрі бірдей сайлау процесін сауатты және білікті түрде бақылай алмайды. Міне сол себепті, Алматыда «Дауыс» қоғамдық бақылаушылар коалициясының бастамасымен байқаушылар мектебі құрылды – бұл республикалық қоғамдық бірлестік», - деді Братенков.

Сондай-ақ бақылаушыларды дайындау барысында ақпараттық жұмыс пен әлеуметтік желідегі жұмысқа да көңіл бөлінген.

«Ақпаратпен жұмыс істеу, атап айтқанда ақпаратты дұрыс жеткізу және әлеуметтік желілерде жұмыс істеу бойынша тренинг өткіздім. Ақпаратпен тек журналистер ғана емес, бақылаушылар да айналысып, жұмыс істей білуі керек», - деді Бақылаушылар мектебінің тренері Сәуле Алпысова.

Жалпы, Алматыда сайлау барысы штаттық режимде өтіп жатыр. Бақылаушылар өкілдерінің айтуынша, учаскелерде айтарлықтай заңбұзушылықтар тіркелген жоқ.