Тоқаевты Түркия президенті «Кулие» резиденциясында қарсы алды

Түркияға іссапармен барған Қасым-Жомарт Тоқаевты Режеп Тайип Ердоған «Кулие» резиденциясында қарсы алды, деп хабарлайды Azattyq Ruhy.

Бұл туралы Ақорданың баспасөз қызметі хабарлады.

«Мемлекет басшысы Қасым-Жомарт Тоқаевты Түркия Президенті Режеп Тайип Ердоған «Кулие» резиденциясында қарсы алды», - делінген хабарламада.

Айта кетсек, Мемлекет басшысы Түркі мемлекеттері ұйымының кезектен тыс саммитіне қатысу үшін Анкараға жұмыс сапарымен барғанын хабарлаған болатынбыз.

Іс-шара барысында Ұйымның апат пен төтенше жағдайлар менеджменті және гуманитарлық көмек саласындағы қызметінің басым бағыттары, соның ішінде табиғи апаттарға қарсы күрес жөніндегі ынтымақтастықты үйлестіруге және нығайтуға қатысты мәселелер қарастырылады.