Сайлаушыларға арналған жадынама: 2023 жылғы сайлауда қалай дауыс беруге болады?

19 наурызда Қазақстан тұрғындары Мәжіліс пен мәслихат депутаттарын сайлайды. Дауыс беру Конституцияға енгізілген өзгерістер бойынша референдумнан кейін қабылданған жаңа ережелер бойынша өтеді, деп хабарлайды Azattyq Ruhy.

2004 жылдан бері алғаш рет депутаттарды аралас жүйе бойынша сайлайтын болады -қазақстандықтар партиялық қана емес, тәуелсіз кандидаттар үшін де дауыс бере алады.

Алматы, Астана және Шымкент қалаларының тұрғындары түрлі түсті төрт бюллетень алады. Мәжіліс депутаттарын партиялық тізімдер бойынша таңдау үшін – көк, ал бір мандатты округтер бойынша – жасыл. Қалалық мәслихатқа дауыс беру үшін күлгін және қызғылт сары түсті бюллетеньдер.

Сонымен қатар, әр бюллетеньде «барлығына қарсы» деген баған болады.

Сайлау - бұл азаматтық белсенділіктің бір түрі, ол тек саяси ғана емес, сонымен бірге халықтың мәдени санасының деңгейін де көрсетеді. Болашағыңызды кейінге қалдырмаңыз, азаматтық ұстанымыңызды көрсетіп 19 наурызда сайлауға келіңіз. Елдің тағдыры сіздің дауысыңызға байланысты!