«Ауыл» партиясының өкілдері ШҚО-дағы күнбағыс майы зауытына барды

Бүгін «Ауыл» партиясынан Мәжіліс депутаттығына кандидаттар Қайрат Айтуғанов, Серік Егізбаев, Дәурен Рахымбек, Сахай Әлібек, Жандос Тұрсынғалиев Шығыс Қазақстан облысында орналасқан «Май» АҚ еңбек ұжымымен кездесті. Іс-шараға Шығыс Қазақстан облысының мәслихатына депутаттыққа кандидаттар да қатысты, деп хабарлайды Azattyq Ruhy партияның баспасөз қызметіне сілтеме жасап.

Кәсіпорын еліміздегі және Орталық Азия аумағындағы күнбағыс майын өндіретін ірі зауыттардың бірі. Соңғы жылдары зауыт жабдықтарды жаңартылды.

«Ауыл» партиясының кандидаттары күнбағыс майын өндіру толық автоматтандырылғанына көз жеткізіп, зауыттың жұмысына риза болды. Кездесу соңында үміткерлер зауыт қызметкерлеріне партияның сайлауалды бағдарламасының негізгі бағыттарын түсіндірді.