Талдықорғанда аурухана есепшісі 100 млн теңгеден астам қаржыны құмар ойынға жұмсап жіберген

Бухгалтер аурухананың шоттарынан жеке шотқа ақша аударған

Фото ашық дереккөзден

Талдықорған қалалық соты балалар ауруханасының есепшісі 100 млн теңгеден астам қаражатты жымқырғаны үшін бес жылға бас бостандығынан айырды. Бұл туралы соттың баспасөз қызметі мәлім етті, деп хабарлайды Azattyq Rýhy.

Сотта 2021 жылдың 1 наурызынан бастап сотталушы «Балалар ауруханасы» ШЖҚ МКК есеп айырысу шотынан өзінің жеке шотына жұмыс істемейтін қызметтер мен тауар жеткізу бойынша бірнеше рет ақша аударымдарын жүргізгені анықталды. Айыпталушы ұрланған ақшаны құмар ойындарға жұмсаған.

Ауруханаға келтірілген шығын 109 млн теңгені құрады.

Сотта сотталушы кінәсін толық мойындап, келтірілген зиянды өтеуге уәде берді.

Сот үкімі заңды күшіне енген жоқ.

Мақалада

#Талдықорған #құмар ойын #аурухана #есепші #ақша жымқыру

Алдыңғы жаңалық

Атырау облысында жантүршігерлік жол апатынан 3 адам қайтыс болды