Қазақстан мен Оман арасында тікелей әуе рейсі ашылады
Бұл туралы Азаматтық авиация комитеті хабарлады
Қазақстан мен Оман арасында тікелей әуе рейсі ашылады, деп хабарлайды Azattyq Ruhy.
Халықаралық рейстердің санын ұлғайту, сондай-ақ «ашық аспан» режимін іске асыру жөніндегі Мемлекет басшысының тапсырмасын жүзеге асыру шеңберінде ҚР ИИДМ Азаматтық авиация комитеті Оман авиациялық билігімен бірлесіп тұрақты жолаушылар рейстерін ашу мәселесін пысықтады.
«Осылайша, «Salam Air» 2023 жылғы 1 шілдеден бастап А–320neo және А-321neo типті әуе кемелерінде аптасына 2 рейс (бейсенбі және жексенбі) жиілігімен Маскат– Алматы бағыты бойынша тікелей тұрақты рейстерді орындауды бастауды жоспарлап отыр. Қазақстан мен Оман арасында әуе қатынасының ашылуы елдер арасындағы сауда-экономикалық, туристік және мәдени ынтымақтастықты дамытуға ықпал ететін болады», - делінген комитет хабарламасында.
