Петропавлда 23 жастағы тұрғыннан пневматикалық тапаншаға ұқсас зат тәркіленді

Петропавл қаласының 23 жастағы тұрғынынан пневматикалық тапаншаға ұқсас зат тәркіленді, деп хабарлайды Polisia.kz.

17 ақпанда Петропавл қаласы ПБ-ның 102 жедел каналына «Северный» базарының жанында Назарбаев көшесінде қолында қаруы бар күдікті ер адамның келе жатқаны туралы телефон арқылы хабарлама түсті.

Бұл факт Петропавл қаласы ПБ-нің ақпаратты есепке алу кітабында тіркелді. Екі ер адам ұсталды. Олардың бірі, облыс орталығының 23 жастағы тұрғынынан пневматикалық тапаншаға ұқсас зат тәркіленді.

Зардап шеккендер жоқ.

Зат тәркіленіп, сараптамаға жіберілді, оның нәтижелері бойынша процестік шешім қабылданады.