Алматы облысында ауыл маңынан қару-жарақ табылды

Алматы облысында Алматы-Өскемен автожолында, Арна ауылының маңынан қару-жарақ табылды, деп хабарлайды Azattyq Ruhy.

Алматы облысы ПД ҰҚҚКБ қызметкерлері Алматы және Жетісу облысы бойынша ҚАЖД жедел бөлім қызметкерлері бірлескен іс-шара барысында тапқан.

Полиэтилен пакеттің ішінен Қаңтар оқиғасы кезінде ұрланған болуы мүмкін BENELLI 12 калибрлі тегіс ұңғылы мылтық табылды.

Аталған дерек ҚР ҚК 287-бабының 2-бөлігі бойынша Қонаев ҚПБ-да тіркелді. Қажетті сараптамалық тексерулер тағайындалды және тергеу жүргізіліп жатыр.